Urdazubiko monastegiaren klaustroa artearen erakusleiho bihurtu da eta 14 artisten lanak biltzen ditu. Honela, XI. Mendeko monastegiraren klaustroa, arte modernoaz bete da, horixe baita 14 eskultore eta margolarien 400 artelanek agertzen dutena.
Artista handiak
Christine Etchevers, Patxi Aranoa, Jose Mari Apezetxea, Roger Bravard, Gonzalo Etxebarria, Aitor Mendizabal, Pier, Irkus Robles, Xabi Soubelet eta Jose Luis Zumeta margolarien lanak klaustroaren galerian ikusten ahal dira eta Annie Camacho, Gilles Plantade, Aitor Mendizabal, François Marty eta Tomas Fischer-en eskulturak patioan daude. Urdazubin bizi den Marc Etxeberri eta Otxondo-Evenements enpresa dira erakusketaren bultzatzaileak. Ez da klaustroan antolatzen duten lehenbiziko erakusketa, azken urteetan esperientzia baitute horretan.
Euro bateko sarrera
Aurtengo erakusketan, bakoitzak bere estiloa lantzen duten artista bikainen lanak ageri dira. Erakusketa udazkena bitarte zabalik izanen da, egunero goizeko 11etatik arratsaldeko 8etara eta sarrerak euro 1 balio du.