Azken urte hauetan gure herriak haunditzen ari direla ez dago dudarik, eta hori eskolan ere ikusi daiteke: aurten zazpi haur berri hasi dira eta lauk finitu dute. Denetara 37 ikasle ditugu ikasturte honetan Urdazubi eta Zugarramurdiko eskoletan. Bertzalde, Guraso Elkartean aldaketak egin direla ere erran digute: Itziar Galarregi, Hirune Soto eta Mentxu Fagoaga sartu dira berriak; Itziar Arburua, Fermi Etxart eta Karmentxu Jaurenak segitzen dute; eta Begoña Olagarai, Axun Irazoki eta Ana Mari Maskotenak utzi egin dute.