Udal hauteskunde estuak izan dira aurtengoak, 14 botok bereizi baitute Azkar taldea (140) Urtxume elkartzetik (126). Urtxumeko buru Andres Diharassarryk 8 urtez alkatetzaren ondotik, Santiago Villaresi pasatu beharko dio errelebeoa datozen egunetan. Zinegotzi berriak ere izanen ditugu herrian: Azkar taldeko Juan Ignacio Arzoz, Juan Jose Suhas eta Itziar Galarregi, eta Urtxumeko A. Diharassarry, Daniel Elizalde eta Miguel Ariztia. Erran, nehoiz baino herritar gehiagok bozkatu duela hauteskundeotan (%82,4).