Euri erauntsiek Urdazubin ere kalte ugari utzi zituen. Urak metro bateko altuera hartu zuen herrian eta denda eta jatetxeetan kalteak sortu. Uholdeen egun berean, maiatzaren 4an, N-121B errepidea bera Dantxarinea parean itxita egon zen. Ikaburuko leizeetan ere ondorioak somatu ziren, baina bertatik jakinarazi digutenez, leizeak jendeari irekiak daude eta ez da hainbat hedabidetan erran bezainbertzeko kalterik izan.