Nafarroako Gobernuak herri ttikietarako urtero antolatzen duen Udazkeneko Bira ekitaldien artean, abenduaren 8an Zugarramurdiko pilotalekuan Noaingo Ardantzeta dantza taldea aritu zen. Besta eguna izanik, eta herrian jende aunitz ibilki zenez, frontoia erdia baino gehiago bete zen. Jendeak gustura ikusi zuen emanaldia, dantzen artean zenbaitzuk arras berexiak zirelakoz (kadira dantza adibidez). Finitzeko, ikusleak ere aritu ziren dantzan, dantzariekin batera.