Izena emandako ikastetxe guziekin, joan den urriaren 6an egin zuten zozketa, eta eskualdeko hamalau ikastetxetako 227 ikaslek izanen dute Iraupen Eskiko Eskola Kanpainan parte hartzeko aukera. Eurekin batera 23 irakasle joanen dira. Zehazki, ikastetxe hauetakoei tokatu zaie joatea: Almandoz, Amaiur, Arizkun, Azpilkueta, Gartzain, Lekaroz eta Urdazubi-Zugarramurdiko eskolak, Baztan Ikastola, Berako Toki Ona institutua eta Arantza, Berako Ricardo Baroja, Etxalarko Landagain, Igantzi eta Lesakako Irain eskolak.
Batzuk kanpoan
Eskainitako 3.932 plazak baino izen emate gehiago izan direnez, batzuk kanpoan gelditu dira. Eskualdeko zazpi ikastetxetako ikasleak, adibidez, kanpoan gelditu dira eta hala, itxaron zerrendara pasatu dira: Aresoko Nazabal eskolakoak, Berako Labiaga Ikastolakoak, Elizondoko eskolakoak, Goizuetako Andres Narbarte Xalto eskolakoak, Leitzako Amazabal institutukoak eta Erleta eskolakoak eta Doneztebeko San Miguel eskolakoak, hain zuzen.
Bertzetik, joan den urteko datuekin konparatuz, eskualdeko 30 ikasle guttiagok parte hartuko dute 2027ko eski kanpainan.
Egonaldiei dagokienez, bai Izaban, bai Otsagabian, urtarrilaren 11tik apirilaren 16ra arte hamabi txanda izanen dira. Eskualdekoak Izabara joanen dira.
Izabara joanen diren eskualdeko ikastetxeetako ikasleak
7. txanda, otsailaren 22tik 26ra
| IKASTETXEA | MAILA | IKASLE KOPURUA | IRAKASLE KOPURUA |
|---|---|---|---|
| Almandozko eskola | LH 4-5-6 | 7 | 1 |
| Amaiurko eskola | LH 4-5-6 | 8 | 1 |
| Arizkungo eskola | LH 4-5-6 | 8 | 1 |
| Azpilkuetako eskola | LH 4-5-6 | 6 | 1 |
| Gartzaingo eskola | LH 4-5 | 5 | 1 |
| Lekarozko eskola | LH 4-5-6 | 5 | 1 |
| Urdazubi-Zugarramurdiko eskola | LH 5-6 eta DBH 1-2 | 12 | 2 |
8. txanda, martxoaren 1etik 5era
| IKASTETXEA | MAILA | IKASLE KOPURUA | IRAKASLE KOPURUA |
|---|---|---|---|
| Baztan Ikastola | LH 6 | 22 | 2 |
10. txanda, martxoaren 15etik 18ra
| IKASTETXEA | MAILA | IKASLE KOPURUA | IRAKASLE KOPURUA |
|---|---|---|---|
| Berako Toki Ona institutua | DBH 2 | 59 | 2 |
11. txanda, apirilaren 5etik 9ra
| IKASTETXEA | MAILA | IKASLE KOPURUA | IRAKASLE KOPURUA |
|---|---|---|---|
| Arantzako eskola | LH 5-6 | 15 | 2 |
| Berako Ricardo Baroja eskola | LH 5-6 | 31 | 4 |
| Etxalarko Landagain eskola | LH 5-6 | 9 | 1 |
| Igantziko eskola | LH 5-6 | 14 | 2 |
| Lesakako Irain eskola | LH 5-6 | 26 | 2 |