«Espekulatzaileak desjabetzea, espekulazioa debekatzea eta etxebizitza planifikatzea» aldarrikatuko dute mobilizazioan eta hitzordua prestatzeko asanbladak eginen dituzte hurrengo egunetan Baztanen, Malerrekan eta Bortzirietan.
Lehenbiziko asanblada Elizondon izanen da, urriaren 21ean, asteazkena, Arizkunenean 17:30ean. Bigarrena Elgorriagan eginen dute, urriaren 23an, ortziralean, 19:00etan Herriko Ostatuan. Azkenik, urriaren 27an Beran izanen da asanblada, 19:00etan Beralandetan.