Goizean artisauak beraien postuak paratu zituzten, eta 09:30 aldera karrika erronda egin zuten txistulariek. Ondotik, Basaburu Ttikiaren historiaren inguruan solasaldi interesgarria eman zuten Juainas Paul Arzakek eta Malen Lizarragak. Hori akituta, elizan bildu zen jendea, Leitzako Leire Retegi, Beintza-Labaiengo Ane Telletxea eta Elizondoko Izar Inbuluzketaren txistu kontzertuaz gozatzeko.
Eguerdian, herri kirol saioa izan zen plazan, eta handik bazkaltzera joan zen jendea. 170 lagun bildu ziren frontoian egindako zikiro jatean. Arratsaldean, musika izan zuten J&J DJ-ekin eta horrez gain, taloak dastatzeko aukera ere izan zuen jendeak.
Aurrerago izanen da egun honen gaineko berri gehiago.