Emakume Master Cup zirkuituko Hiru Hiriburuak torneoko finalerdiak jokatu dituzte igande goizean Donostiako Atano III.a pilotalekuan. Eskualdeko pilotariei dagokienez, Alize Sagardui goizuetarra elite mailan eta Dunixe Alberro iturendarra promesa mailan, datorren igandean Bibon jokatuko diren finaletan izanen dira.
Elite mailan Alize Sagardui goizuetarra finalean izanen da
Izan ere, elite mailako lehen finalerdian, Alize Sagardui Lekuona goizuetarrak eta Bergarak 22-16 irabazi zieten Etxegarairi eta Capellani eta, bigarrenean, Ibarrolak eta Ozaetak 22-17 irabazi zieten Benitori eta Aldairi. Beraz, finalean, Sagardui eta Bergara, Ibarrolaren eta Ozaetaren kontra ariko dira.
Promesa mailan, Iturengo Alberro finalera, Lesakako Martinez ahizpak doi-doi kanporatuta
Promesa mailako lehen finalerdian, eskualdeko hiru pilotari ikusteko aukera izan zen eta lehia ikusgarris eskaini zuten. Azkenean, Arrutik eta Dunixe Alberro Isasi iturendarrak 18-17 irabazi zieten Lesakako Amaiur eta Ainize Martinez Olazabal ahizpei. Bigarren finalerdian, Sorondok eta Reyek 18-10 irabazi zieten Egizabali eta Berasaluzeri.
Gazte mailako finalerdietan, azkenik, Azpiazu eta Agirrek 18-4 irabazi zieten Sandiari eta Goikoetxeari eta Perezek eta Gonzalezek 18-12 irabazi zieten Labakari eta Aizpuruari.