Emakume Master Cup Zirkuituaren barrenean, San Mateo pilota txapelketako finala jokatuko dute irailaren 26an, larunbat eguerdian Logroñoko Adarraga pilotalekuan. Alize Sagardui goizuetarra eta Andrea Capellan errioxarra, Amaia Aldai aurrelari beteranoaren eta Nahia Bertiz sunbildarraren kontra ariko dira.
Joan den asteburuan jokatutako finalerdietan, Sagarduik eta Capellanek 22-18 irabazi zieten Ibarrolari eta Zabalari eta Aldaik eta Bertizek 22-21, doi-doi irabazi zieten Benitori eta Mendizabali.
Beraz, aipatu bezala, Alize Sagardui goizuetarra eta joan den urtean Goiuri Zabaleta leitzarrarekin batera txapeldun izan zen Capellan, Aldairen eta Nahia Bertiz sunbildarraren kontra jokatuko dute San Mateo txapelketako finala larunbat eguerdian Logroñoko Adarragan.