Eloy Otxandorenak eta Otanok 35-31 irabazi zieten joanekoan Matxin III.ari eta Barricarti eta, beraz, 32 tanto egitea aski izanen dute finalera sailkatzeko
Andosillako jaialdiko lehen partidan, Mikel Mikelarena oiztarra eta Markel Leatxe donamariarra, Koteto Ezkurra III.a doneztebarraren eta Ionen kontra ariko dira.
Jaialdiko sarrera doan izanen da, baina ADANOren aldeko errifa eginen dute. Andosillako Udalak emandako urdaiazpikoa eta Erremonte Fundazioko erremontisten bi kamiseta zozketatuko dituzte.
Bertze finalerdiko itzulerakoa irailaren 27an Zangozan
Bigarren finalerdiaren itzulerakoa irailaren 27an jokatuko dute Zangozan Xanti Uterga doneztebarrak eta Agirrezabalak, Jon Sagaseta iruritarraren eta David Mitxeoren kontra. Kasu honetan, finalerako txartela bideratuagoa dute Utergakk eta Agirrezabalak, joan den larunbatean Vianan 21 tantotan utzi baitzituzten Sagaseta eta Mitxeo.