Bertiz eta Sagardui Udako Master Laboral Kutxa txapelketako finalerdietatik kanpo gelditu dira

Ttipi-Ttapa
Gehitu gaitzazu Googlen
Deskargatu Info Ahotsak :
Español English Français Català Galego

Amaia Aldaik eta Nahia Bertiz sunbildarrak galdu egin zuten larunbatean Artziniegan, Olatz Arrizabalagaren eta Irati Zablaren kontra.

Ordizian eta Artziniegan, euren besten inguruan asteburuan jokatutako partiden ondotk, Emakume Master Cup zirkuituko Udako Master Laboral Kutxa txapelketak ezagutzen ditu dagoeneko larunbat Oñatin, hemen ere herriko festen bueltan, jokatuko diren finalerdietan egongo diren bikoteen izenak. Ligaxka interesgarri eta ikusgarri baten ondotik, Arrizabalaga-Zabala/ Etxegarai-Bergara eta Ibarrola-Oses/Zabaleta-Erasun izango dira hurrengo larunbatean Zubikoa kiroldegiko kantxan indarrak neurtuko dituzten pilotariak.

Oñatin larunbatean jokatuko dute Goiuri Zabaleta leitzarrak eta Erasunek, Ibarrolaren eta Osesen kontra eta Arrizabalagak eta Zabalak, Etxegarairen eta Bergararen kontraI

zan ere, asteburu honetan jokatutako partidei dagokienez, larunbatean Artziniegako lehen partidan, Olatz Arrizabalagak eta Irati Zabalak 22-17 irabazi zieten Amaia Aldairi eta Nahia Bertiz sunbildarrari eta bigarrenean, Maddalen Etxegaraik eta Arrate Bergarak 22-14 irabazi zieten Alize Sagardui goizuetarrari eta June Berasaluzeri. Ordizian, berriz, Arrizabalagak eta Betegik 22-15 irabazi zieten Ibarrolari eta Aldairi.

Alize Sagarduik goizuetarrak eta Berasaluzek (gorriz) ere galdu egin zuten, Etxegarairen eta Bergararen kontra.

Deus aldatuko ez duen jardunaldi baten faltan honela gelditu da Udako Torneoko Urrezko ligaren sailkapena:

  1. Arrizabalaga-Zabala
  2. Ibarrola-Oses
  3. Zabaleta-Erasun
  4. Etxegarai-Bergara


Finalerdietako partiden ondotik, final handia Sopelan jokatuko da, irailaren 27an, eta pjaialdia ETB1 eta ETB On-en eskainia izango da zuzenean.

Kirola Leitzaldea Malerreka Goizueta Leitza Sunbilla

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.


Egin TTIPI-TTAPAren lagun