Eskualdeko futbol talde guziek galdu egin dute asteburu kaxkarrean

Pixkanaka jokoan sartzen ari dira eskualdeko futbol taldeak eta gizonezkoen talde nagusi gehienek (Gure Txokoak izan ezik) jokatu dute asteburu honetan. Bigarren jardunaldia izan da hirugarren mailako Donezteberentzat eta Nafarroako lehen maila autonomikoko Baztanentzat. Aurten, lehen aldiz, Doneztebek bigarren taldea ere izanen du erregionaleko lehen mailan, baita azken urteetan bezala, Baztanek ere. Lau taldeek etxetik kanpo jokatu dute asteburu honetan eta lauek galdu egin dute, gol bakar bat ere sartu gabe. Lesakako Beti Gaztek (Gipuzkoako ohorezko mailan) eta Leitzako Aurrerak (Nafarroako erregionaleko lehen mailan), etxean jokatu dute, baina hauek ere galdu egin dute, baita kadete mailako mutilen Nafarroako maila autonomikoan hasi den Baztan taldeak ere. Galdu ez ezik, zazpi partidatan gol bakarra sartu dute gure taldeek, Beti Gazteko Yeray Geromettak sartutakoa.