Nafarroako erremonte txapelketak finalerdietako lehen partidak jokatuko dituzte asteburuan

Ttipi-Ttapa 2026ko irailaren 11

Utergak eta Agirrezabalak ligaxkako partida guziak irabazi dituzte.

Euskal Jai Erremonte Fundazioak antolatutako Nafarroako Foru Komunitateko Erremonte Profesionaleko XXI. Txapelketako finalerdietako joaneko partidak jokatuko dituzte asteburu honetan. Irailaren 12an, larunbatean, Vianan, Xanti Uterga doneztebarra eta Agirrezabala, Jon Sagaseta iruritarraren eta David Mitxeo doneztebarraren kontra ariko dira. Irailaren 13an, igandean, Monteagudon, Eloi Otxandorena doneztebarra eta Otano, Matxin III.aren eta Barricarten kontra ariko dira.

Larunbatean, Vianan, Uterga eta Agirrezabala, Sagasetaren eta Mitxeoren kontra ariko dira eta igandean, Monteagudon, Otandorena eta Otano, Matxin III.aren eta Barricarten kontra

Vianan, larunbatean 18:00etan hasiko den jaialdiko lehen partidan, Zeberio II.a eta Baztan, Mikel Mikelarena eta Xuban Ilarregi oiztarren kontra ariko dira. Bigarrenean, finalerdietako joanekoan, txapelketako ligaxkako lehenak (Uterga-Agirezabala) eta laugarrenak (Sagaseta-Mitxeo) izanen dira aurrez aurre. Vianako jaialdiko sarreran ateratzen dena Erentzun Ikastolara bideratuko dute.

Ligaxkan bigarren izan dira Otano eta Otxandorena, partida bakarra doi-doi galduta.

Monteagudon, igandean 17:00etan hasiko den jaialdiko lehen partidan, berriz, Oses eta Baztan, Zorion Zelaieta eta Xuban Ilarregi oiztarren kontra ariko dira. Bigarrenean, finalerdietako joanekoan, ligaxkan bigarren izan zen bikotea (Otxandorena-Otano), hirugarrenaren kontra (Matxin III.a-Barricart) ariko dira. Lehen aldiz izanen dute Monteagudon erremonte partida bat ikusteko aukera. Jaialdia ADANO elkartearen alde izanen da.

Bi jaialdietan, 22 urtez goitikoek hamar euroko sarrerako dohaintza egin beharko dute eta 16 eta 22 urte

Kirola Baztan Malerreka Irurita Doneztebe Oiz

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.

Egin TTIPI-TTAPAren lagun