Beti Gazte eta Aurrera futbol talde nagusiek etxean hasiko dute denboraldia

Baztanek eta Doneztebek aurten zelairatuko dituzten gizonezkoen bina taldeek etxetik kanpo jokatuko dute.

Pixkanaka jokoan sartzen ari dira eskualdeko futbol taldeak eta gizonezkoen talde nagusi gehien gehienek jokatuko dute asteburu honetan. Bigarren jardunaldia izanen da hirugarren mailako Donezteberentzat eta Nafarroako lehen maila autonomikoko Baztanentzat. Aurten, lehen aldiz, Doneztebek bigarren taldea ere izanen du erregionaleko lehen mailan, baita azken urteetan bezala, Baztanek ere. Lau taldeek etxetik kanpo jokatuko dute asteburu honetan. Lesakako Beti Gaztek (Gipuzkoako ohorezko mailan) eta Leitzako Aurrerak (Nafarroako erregionaleko lehen mailan), aldiz, etxean jokatuko dute, igandean lesakarrek eta larunbatean leitzarrek. Berako Gure Txokoako gizonezko eta Leitzaldea Kirol Eskolako emakume nagusiak irailaren 19-20ko asteburuan hasiko dira eta Gure Txokoako emakumeak irailaren 26-27koan.