Manttale Mendi Lasterketa taldeko kide den Beñat Albisu amaiurtarrak Munduko Kopan lehiatzen segitzen du. Asteburu honetan Italiako Val Serinan jokatutako MAGA Skymarathon lasterketako Skyrace proban (23,5 kilometro luze eta 1.400 metroko desnibel positiboa) bigarren izan da eta sub-23 kategorian lehen postua eskuratu du.
Sailkapen orokorrean bigarren izan da, baina 23 urtez beheitiko kategorian nagusitu da
Proba Alex Baldaccini italiarrak irabazi du. Bi ordu, 22 minutu eta 2 segundo behar izan ditu lasterketa irabazteko eta Euskal Mendizale Federazioarekin laster egin duen Beñat Albisuk bi ordu eta 24 minutu, bigarren izateko eta 23 urtez beheitiko kategorian lehen postua eskuratzeko. Eloy Martinez Faro galiziarrak osatu du podiuma (2.25.49) eta bigarren izan da 3 urtez beheitikoen artean.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.