Plazaz Plaza txapelketako Gorostapoloko finalistak erabaki dira Artaxoan

Ttipi-Ttapa
Gehitu gaitzazu Googlen
Deskargatu Info Ahotsak :
Español English Français Català Galego

VI. Plazaz Plaza Txapelketako finalerdietako protagonistak (Mendiburu falta da), larunbatean Artaxoan.

Ados Pilota Elkarteak seigarren aldiz antolatutako Plazaz Plaza Txapelketako finalerdiak jokatu zituzten larunbatean Artaxoan eta honenbertzez, irailaren 12an, mendeurrena ospatzen ari den Erratzuko Gorostapolo frontoian jokatuko den finaleko protagonistak zein izanen diren erabaki da.

Mendeurrena ospatzen duen Erratzuko frontoian jokatuko dute finala irailaren 12an Oskozek eta Ruiz de Larramendik, Iturriaga leitzarraren eta Mendibururen kontra

Lehen finalerdia estua eta gogorra izan zen, baina azkenean, Iturriaga leitzarrak eta Mendiburuk 30-26 irabazi zieten Barrokali eta Orbegozori. Bigarren finalerdian, berriz, Oskozek eta Ruiz de Larramendik 30-20 irabazi zieten Aranbururi eta Agirreri. Hamahiruna eta hamazazpina berdinduak izan ziren, baina azkenean, Oskoz eta Ruiz de Larramendi gailendu ziren.

Iturriaga leitzarra jokaldia egiten larunbatean Artaxoako finalerdian. Finalerako txartela lortu du, Mendibururekin batera.

Gauzak honela, larunbatean Gorostapoloko finalean, Oskoz eta Ruiz de Larramendi, Iturriaga leitzarraren eta Mendibururen kontra ariko dira.

Kirola Baztan Leitzaldea Erratzu Leitza

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.


Egin TTIPI-TTAPAren lagun