Jardunaldi hirukoitza jokatu dute asteburuan Hendaian eta Aurizberrin eta Zeberio II.a eta Ion txapelketatik kanpo gelditu dira
Larunbatean Hendaian jokatutako lehen partidan, Xanti Uterga doneztebarrak eta Agirrezabalak 35-21 irabazi zieten Matxin III.ari eta Barricarti. Uterga jaun eta jabe izan zen eta 23 tanto egin zituen, gibelean hutsik egin e zuen Agirrezabalaren laguntzarekin.
Bigarren partidan, Jon Sagaseta iruritarrak eta David Mitxeo doneztebarrak 35-30 irabazi zieten Zeberio II.ari eta Ioni.
Aurizberriko txapelketako partidak Eloi Otxandorena doneztebarrak eta Otanok 35-15 menpean hartu zituzten Zeberio II.a eta Ion eta, honenbertzez, bikote gipuzkoarra txapelketatik kanpo gelditu da.
Jaialdiko lehen partidan, Osesek eta Baztanek 30-23 irabazi zieten Koteto Ezkurra III.a doneztebarrari eta Xuban Ilarregi oiztarrari.
Los Arcosen abuztuaren 29an
Gauzak honela, abuztuaren 29an jokatuko dute Los Arcosen txapelketako ligaxkako bederatzigarren jardunaldia, azken aurrekoa: Xanti Uterga eta Agirrezabala, Jon Sagasetaren eta David Mitxeoren kontra ariko dira. Lehenbizikoek garaipena behar dute ligaxka sailkapen buruan akitzeko.