Nafarroako bigarren mailako aizkolari txapelketako kanporaketa jokatu zuten abuztuaren 14an Donamarian. Hamar aizkolari aritu ziren lehian eta hiru enbor moztu zituzten: Bi kanaerdiko eta 60 ontzako bat. Bortz onenek eskuratu zuten irailaren 27an Uharten jokatuko den finalerako txartela eta horien artean, Zigako Joxean Etxeberria izan zen bizkorrena (08.34). Berekin batera Etxarri Aranatzeko Jon Erdozia (08.57) eta Aritz Oiarbide (09.23), Iturgoieneko Iosu Santamaria (09.48) eta Arraiozko Julen Urrutia (10.07) izanen dira finalean.
Finaletik kanpo gelditu dira Olagueko Beñat Senosiain (10.20), Beintza-Labaiengo Jesus Etxeberria (11.04), Itsasuko Patxi Igoa (11.28), Segoviako Emilio Garcia (12.03) eta Zubietako Mikel Indakoetxea (13.31).