Hiru bikote jakinak dira eta gaur Zizurkilen jokatuko den partidan (Aldai eta Bergara, Goiuri Zabaleta leitzarraren eta Erasunen kontra) erabakiko da azken bikotea
Bero sapak pilotarien eta ikusleen osasunean izan zezakeen arriskuaren aurrean, antolatzaileek bertan behera utzi zuten bi bikote hauek igandean jokatu behar zuten ligaxkako azken jardunaldiko partida eta, eguraldia lagun, gaur jokatuko dute multzoko bigarren postua erabakiko duen lehia Zizurkilen. Zenbakiak argiak dira eta 22ra heltzen den bikoteak A multzoko bigarren postuan amaituko du, Arrizabalaga eta Nahia Bertiz sunbildarraren gibeletik.
Finalerdiak igandean 18:00etan Donezteben
Honek, ekainaren 28ko Doneztebeko finalerdia B multzoan onenak izan diren Etxegarai-Gaminderen aurka jokatzera eramanen du Zizurkileko bikote irabazlea. Bertze finalerdian, Arrizabalagak eta Nahia Bertiz sunbildarrak eta Salsamendiren eta Mendizabalen kontra jokatuko dute. Igandean 18:00etan hasiko da jaialdia Doneztebeko Ezkurra pilotalekuan. Jokoan horrenbertze dagoenez, ziur pilotariek euren onena emanen dutela Labriten jokatu ahal izateko.