Errugbian, berriz, Sarako Izarrak Frantziako hirugarren mailako final laurdenetako partida jokatuko du Lit-et-Mixen.
Ekainean sartuta, kirol denboraldia bukatua da eskualdeko talde gehien gehienentzat, baina futbolean eta errugbian, oraindik partida garrantzitsuak dituzte Baztanek eta Sarako Izarrak. Baztandarrek, hirugarren mailarako igoera faseko joaneko partida izanen dute larunbatean Giltxaurdin Cantolaguaren kontra. Astebete beranduago itzulerakoa jokatu beharko dute Zangozan. Saratarrek, Frantziako hirugarren mailako final laurdenetako partida jokatuko dute igandean Landetako Lit-et-Mixen, Rugby Club Pomarez-Amou taldearen kontra.
Nafarroako lehen maila autonomikotik hirugarren mailara igoera fasea, joanekoa
Baztan KE – CD Cantolagua, larunbatean 18:00etan Elizondoko Giltxaurdin.
Gizonezkoak, Frantziako txapelketako final laurdenak
Sarako Izarra – Rugby Club Pomarez-Amou, Landetako Lit-et-Mixen, igandean 15:00etan
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.