Igandean Berrizen, Erasunekin batera, 20-22 galdu zuen Arrizabalagaren eta Bertizen ordezko aritu zen Osesen kontra
Berrizko partidak bi zati desberdin izan zituen; lehenengoan Arrizabalaga-Osesek erraz alde egin zuen markagailuan (9-0), hein handi batean Itsaso Erasuni kosta egin zitzaiolako pilotalekuari neurriak hartzen, ez zen batere eroso egon eta erraztasun handiak eman zituelako. Pixkanaka, ordea, leitzarra eta zizurkildarra partidan sartzen joan ziren, indarrak parekatu ziren eta lehia polita eskaini zieten pilotalekura joandakoei. Berdinketa ugari ziren bigarren txanpa honetan, hamahiruna, hamaseina, hemezortzina eta, azkena hogeina. Puntua edozein aldetara eror zitekeela zirudien azken parte horretan, Olatz Arrizabalagak bi sake bikain atera zituen, abiadura handian ateratakoak eta baztertuak eta hala lortu zuten garaipen garrantzitsu hau gernikarrak eta Osesek.