Euskal Jai Berri Erremonte Fundazioak antolatutako Udaberriko Erremonte Profesionaleko Txapelketa-Microlan Aerospace Sari Nagusiko jardunaldi bikoitza jokatuko dute maiatzaren 23an Irunberrin, larunbatean 18:00etan hasiko den jaialdian. Lehenbiziko partidan, Zeberio II.a eta David Mitxeo doneztebarra, Mikel Mikelarena oiztarraren eta Ionen kontra ariko dira eta bigarrenean, bertze konpromiso bat duen Utergaren ordez ariko den Jon Sagaseta iruritarra eta Agirrezabala, Matxin III.aren eta Otanoren kontra.
Zeberio II.a eta Mitxeo, Mikelarenaren eta Ionen kontra ariko dira lehen partidan eta Utergaren ordez ariko den Sagaseta eta Agirrezabala, Matxin III.aren eta Otanoren kontra bigarrenean
Jaialdian biltzen den dirua, oraingoan ANECS elkartearen alde izanen da, Zangozaldean eri dauden haurrak eta familiak biltzen dituen elkartearen alde, alegia. Hamar euroko dohaintza ordaindu beharko da sarrera; 16-22 urte artekoek bortz eurokoa eta hortik beheitikoek doan.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.