Emakumeen 240 kilokoan, lehenbiziko saiotik aldaketa aunitz izan ziren Elizondon. Halere, azken sailkapenean Txantreako bi taldeak izan ziren onenak. Bigarren egin zuen Txantrea B taldean Garazi Migeltorena lesakarrak tiratu zuen. Hirugarren postua Berriozarrek eskuratu zuen. Elizondon bigarren izan arren, azken sailkapenean laugarren izan zen Araxes, bosgarren Antsoain A, seigarren Amaiur eta zazpigarren Antsoain B.
Emakumezkoetan ez bezala, gizonezkoen 300 kilokoan Beteluko emaitzak errepikatu ziren Elizondon ere eta, horrela, Berriozar izan da txapeldun, Txantrea A bigarren, Txantrea B hirugarren, Beti Gazte laugarren eta Antsoain bosgarren.
Kadete mailako 4x4 sokatira txapelketako lehen jardunaldia jokatu zen Elizondon. Antsoain izan zen lehena, Basaburua A bigarren, Basaburua B hirugarren, Antsoain B laugarren, Antsoain C bosgarren, Berriozar A seigarren eta Berriozar B zazpigarren.
Txapelketa mistoa maiatzaren 30ean San Martin Unxen
Berriz ere aste beteko atsedenaldiarekin ondotik, maiatzaren 30ean, San Martin Unxen, Nafarroako launakako sokatira txapelketako azkena, txapelketa mistoa, jokatuko dute, 280 kiloko kategorian. Antsoain, Araxes, Berriozar A-B, Beti Gazte eta Txantrea A-B-C lehiatuko dira. Kadeteen txapelketako bigarren jardunaldia ere bertan jokatuko dute.