Castejongo zelai berria inauguratzeko 15 urtez beheitiko nesken arteko partida jokatu zuten ortzegunean. Alde batetik Iruñerriko selekzioa eta, bertzetik, Nafarroako bertze eskualdetako selekzioa. Azken honetan aritu zen Baztan Futbol Taldeko Leire Zapata arizkundarra, Beti Gazteko Arhane Silveira lesakarra eta Alazne Altxu igantziarra eta Amigó taldean ari den Janire Sarobe elizondoarra. Partida banako berdinketarekin bukatu zen eta partidaren aitzinetik, bi taldeetako jokalariak, laguntzaileak eta entrenatzaileak, Baztan Futbol Taldeko Gorka Goñiri animoak emanez pankarta zelairatu zuten. Meningokoko sepsiak jota bi hankak eta beso bat galdu du 17 urteko elbetearrak.
