Pasa den ortzegunean, Galdakaon, GRABNI txapelketako emakumezko gazte mailako finalak jokatu dituzten. Bikoteka, Nahia Bertiz Babaze sunbildarrak, Goiuri Zabaleta Rodriguez lagun zuela, garaipen garbia lortu zuten Aranburuk eta Betegik Gipuzkoako bikotearen kontra, bi jokoak irabaziz (10-0 eta 10-2).
Ez ziren eskualdeko pilotari bakarrak izan Galdakaon ortzegunean jokatutako finaletan. Mutilen gazte mailako binakako txapelketan, Goizuetako Markel eta Julen Salaberria anaiek, lehen jokoa irabazi arren, 2-1 galdu zuten Gipuzkoako Alndaren eta Olanoren kontra (10-5, 4-10 eta 0-5).
Maiatzaren 1ean Larrabetzun jokatutako gizonezkoen senior mailako paleta goma txapelketaren finalean, David Albiasu narbartearrak eta Erburuk 2-0 irabazi zieten Bizkaiko Garciari eta Artarazi (10-9 eta 10-1).
Egun berean, Barakaldon jokatutako senior mailako eskuz binakako txapelketan, Hegoi Txoperena leitzarrak eta Unax Apeztegia elizondoarrak 2-0 galdu zuten Gipuzkoako Egigurenen eta Irazustabarrenaren kontra (10-5 eta 10-5).
Frontoian jokatutako 28 finaletatik 19 irabazi dituzte Nafarroako selekzioko pilotariek.