Larunbat honetan, maiatzaren 2an, eginen dute, eta egun osoko pesta izanen dute.
- 11:00etan sagardo eta zuku dastaketa hasiko da. Pintxoak jateko aukera ere izanen da eta, horrez gain, Agirre anaiak bertsotan eta Agerralde soinuan ariko dira.
- 14:30ean bertso zahar eta berriekin bazkaria eginen dute herriko ostatuan. Bazkarirako txartelak osteguna, apirilaren 30a, baino lehen erosi beharko dira, 35 eurotan.
- Eguna borobiltzeko, 19:00etan sagar tarta lehiaketa eta merendua antolatu dituzte.
Ez dute aurreneko aldia. 2024ko urrian antolatu zuten lehenbiziko aldiz Sagardo Pesta, eta herriko bost etxetako sagardoa dastatzeko aukera izan zuten bildutakoek: Apezenea, Intxureko borda, Jurdanea, Otxantrenea eta Udaneko sagardoak. Aurten gehiago izanen dira: Apezenea, Intxureko borda, Jurdanea, Kantinea, Maxeneko Borda, Otxantrenea eta Udanea. Astigarragako Bereziartua sagardoa ere ekarriko dute Saldiasera.
