Nafarroako 4x4 Sokatira Txapelketako lehen txapelak igandean banatuko dituzte Donezteben

Ttipi-Ttapa 2026ko apirilaren 24a

Beti Gazteko emakumeen laukotea hirugarren izan zen Antsoaingo lehen jardunaldian. Igande goizean izanen dute 255 kiloko bigarren jardunaldia Donezteben. Argazkia: Potronko

Nafarroako 4x4 Sokatira Txapelketa joan den larunbatean abiatu zen Antsoainen. Gizonezkoen 320 kiloko eta emakumezkoen 255 kiloko lehen jardunaldia jokatu zuten eta pisu horietako bigarren jardunaldia eta finalak apirilaren 26an, igandean 11:30ean hasita, jokatuko dituzte Doneztebeko Ezkurra pilotalekuan. Gizonezkoen pisu astunenean Beti Gazte, Berriozar eta Txantrea ariko dira eta emakumeen pisu astunenean, berriz, Amaiur, Antsoain, Araxes A-B, Berriozar A-B, Beti Gazte eta Txantrea A-B.

Maiatzean segida

Donezteben lehen txapelak eman eta astebeteko atsedenaldiaren ondotik, maiatzaren 9an, Betelun. gizonezkoen 300 kiloko txapelketako lehen saioan, Antsoain, Berriozar, Beti Gazte eta Txantrea A-B ariko dira. Emakumezkoen 240 kilokoan Amaiur, Antsoain A-B, Araxes, Berriozar eta Txantrea A-B ariko dira, Beraz, Beti Gazte ariko emakumeen pisu arinean.

Maiatzaren 16an, Elizondoko Juanjo Atxa pilotalekuan kategoria hauetako bigarren jardunaldia jokatuko dute. Kadete mailako lehen jardunaldian Baztango Basaburuko bi talde izanen dira.

Maiatzaren 30ean, azkenik, San Martin Unxen, txapelketa mistoa jokatuko dute (280 kilo). Antsoain, Araxes, Berriozar A-B, Beti Gazte eta Txantrea A-B-C lehiatuko dira. Kadete mailako bigarren jardunaldia ere bertan jokatuko dute.

Kirola Baztan Bortziriak Malerreka Amaiur Lesaka Doneztebe

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.

Egin TTIPI-TTAPAren lagun