Aste Santuko atsedenaldiaren ondotik, berriz ere ligari ekin diote Nafarroako ligan ari diren eskualdeko futbol taldeek eta eskubaloiko talde nagusiek asteburu honetan. Futbolean, etxean lortutako garaipenarekin lehen maila autonomikoko lidergoa sendotu du Doneztebek eta dagoeneko hamaika puntuko aldea ateratzen die bigarren eta hirugarren sailkatuei, jokoan 18 puntu bakarrik gelditzen direnean. Iraultza ikaragarririk ez bada, mailaz igo ez ezik, txapeldun izanen dira doneztebarrak. Baztanek ere garaipen handia lortu zuen San Adrianen, markagailua irauli ondotik, Imanol Zokoren bi golekin. Seigarren dira baztandarrak, baina promozioko laugarren postuan dagoen Ilumberriren puntu kopuru berdinarekin eta igoera zuzena emanen lukeen bigarren posturik hiru puntura.
Eskubaloian, lauko finala Donezteben jokatuko dela segurtatuta, geldu egin zuten Errekako gizonezkoek txapeldunen faseko azken partidan. Errekako eta Baztango BKTko emakumeek, aldiz, garaipen garrantzitsuak lortu zituzten. Doneztebeko emakumeek matematikoki lauko finalerako sailkatzea lortu dute eta baztandarrek bertze garaipen aski izanen dute horretarako. Historikoa litzateke eskualdeko emakume seniorren bi taldeek lauko finala jokatzea!
FUTBOLA
Nafarroako lehen maila autonomikoan
CD San Adrian 1 - Baztan KE 2 (Imanol Zokoren golak)
Doneztebe FT 1 (Xabi Erasun) – CD Gares 0
Nafarroako gizonezkoen erregionaleko lehen mailan
Baztan KE B 5 (Xuban Oskariz, Haritz Bidegain, Beñat Errok 2 eta Garikoitz Santesteban) – CD Lagun Artea, 3
Aurrera KE 1 (Joanes Oskoz) – Arga Ibaia KE 3
Nafarroako mutil jubenilen bigarren mailan
CD Amaya 1 - Baztan KE B 2 (Iker Maritorena eta Julen Elizaintzin)
Nafarroako neska jubenil-kadeteak txapeldunen fasean
Aurrera KE atsedena.
Nafarroako neska jubenil-kadeteak bigarren fasean
CF Gazte Berriak Ansoain 1- Baztan KE 1 (Kattalin Muratori)
Nafarroako mutil kadeteen lehen maila autonomikoan
CD Huarte 3 - Baztan KE A 3 (Izai Urrutiak 2 eta Josu Larraioz)
Nafarroako neska kadeteak
UCD Burlades 1 - Baztan KE 2 (Amaia Elorz eta Irati Galarregi)
FC Bidezarra 0 - Beti Gazte 3 (Haizea Arenas, Arhane Silveira eta Alazne Altxu)
CD Asdefor 0 - Aurrera KE 4 (Nuria Irujo, Alaia Martinikorena, Laida Maritorena eta Naiara Juanikorena)
Nafarroako neska infantilak kopan
Beti Kozkor 1 - Baztan KE 2 (Jennifer Moncada eta Ariane Alzuri)
ESKUBALOIA
Gizonezkoen ligako txapeldunen fasean
Cantolagua 32 - Erreka KE 28
Emakumeen ligan
Balonmano River Ega Senior 14 - BKT Baztango Kirol Taldea 40
Erreka KE 32 – Uharte 23
ERRUGBIA
Euskal liga sub-18 2. mailan
Envases RA Rioja 36 - Gabiria Txingudi-Baztan 26
Euskal liga sub-16
Txingudi-Baztan-Orereta 0 – Getxo RT 44