Iturriaga leitzarra eta Orbegozo nagusitu dira Adosen eskuz binakako txapelketaren Ereñotzuko jardunaldian

Ttipi-Ttapa 2026ko martxoaren 3a

Iturriagak eta Orbegozok menpean hartu zituzten Gomez eta Agirre igandean Ereñotzun jokatutako partidan.

Adosen eskuz binakako pilota txapelketako jardunaldia jokatu dute martxoaren 1ean Ereñotzun. Lehen mailako partidan, Iturriaga leitzarrak eta Orbegozok 22-12 irabazi diete Gomezi eta Agirreri. Hasiera hobea eman eta gorriek kontrolpean izan dute partidua. Hobe egokitu dira Ereñotzuko frontoira eta biek ere partidu ederra jokatu dute. Marta Gomezek eta Naroa Agirrek erdialdera estutzea lortu duten arren amaieran nagusitasunez irabazi du Iturriaga-Orbegozo bikote beteranoak beraien seigarren puntua.

Seigarren puntua lortu dute lehen mailako txapelketan, Gomez eta Agirre menperatuta

Promozio txapelketakop partida ere jokatu dute Ereñotzun. Gomezen ordez aritu den Crespok eta Sotilek 22-11 irabazi diete Sunbillako Iraide Iriarteri eta Ernagaren ordez aritu den Reyri.

Iraide Iriarte sunbildarra pilota astintzen igandean Ereñotzun.

Puntu garrantzitsua zuten elkarren kontrako lehian finalerdietarako txartelari begira. Lau pilotarien artean Gomezen ordezko lanetan ibili den Crespo nabarmendu da, partidu ona jokatu baitzuen, atzetik Sotilek bikain lagunduta. Urdinak saiatu diren arren gaur nagusi izan dira gorriak.

Kirola Leitzaldea Malerreka Leitza Sunbilla

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.

Egin TTIPI-TTAPAren lagun