Nafarroako Kirol Jokoetan nesken buruz buruko pilota txapelketaren finaletan lau txapel lortu dituzte eskualdeko pilotariek

Ttipi-Ttapa 2026ko otsailaren 24a

Nafarroako Kirol Jokoetako pilotako finaletan, txapeldun eta txapeldunorde suertatu diren neskak, larunbatean Zizurren, Andrea Lusarreta Nafarroako Pilota Federazioko presidentearekin.

Nafarroako Kirol Jokoen barrenean, pilotan eskuz banakako txapelketaren finalak jokatu dituzte neskek otsailaren 21ean Zizur Nagusiko Ardoi pilotalekuan. Denera bortz final jokatu dituzte eta horietatik lautan izan dira eskualdeko pilotariak. Lau txapeldun suertatu dira eta bi txapeldunorde.

Alebinetan Hita igantziarra suertatu da txapeldun, bigarren mailako infantiletan Aioroa iturendarra, lehen mailako infantiletan Iratzoki igantziarra eta jubenil mailan Sagardui goizuetarra

Lehenik, alebinen finalean Arkupe pilota elkarteko bi pilotari izan ziren aurrez aurre eta Ainara Hita igantziarrak 18-11 irabazi zion Eneritz Muñoa lesakarrari.

Arkupeko neska pilotariak (Hita eta Iratzoki txapeldunak eta Muñoa txapeldunordea), entrenatzaile eta familiekin.

Bigarren mailako infantiletan, Adoseko Alaitz Aioroa iturendarrak 18-7 irabazi zion Ultzamako Irurei.
Lehen mailako infantilen finalean, Arkupeko Joana Iratzoki igantziarrak 18-16 irabazi zion Ados Pilotako Aiora Baleztena etxarrendarrari.

Kadete mailako finalean ez zen eskualdeko pilotaririk izan. Ardoiko Gomezek 18-6 irabazi zion Oberenako Crespori.

Adoseko finalistak: Aioroa txapeldun eta Iriarte eta Baleztena txapeldunorde.

Jubenil mailako finalean, azkenik, Umore Onako Alize Sagardui goizuetarrak 18-2 irabazi zion Adoseko Iraide Iriarte sunbildarrari.

Alize Sagardui goizuetarra txapeldun jubenil mailan.

Kirola Bortziriak Leitzaldea Malerreka Igantzi Lesaka Goizueta Ituren Sunbilla

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.

Egin TTIPI-TTAPAren lagun