60.000 abelgorri txertatuko dituzte
Nahiz eta Nafarroako Gobernuak neurria lurralde osoan ezarri nahi zuen, oraingoz, 60.000 abelgorri txertatuko dituzte —Nafarroako guztien erdia inguru—, herrialdearen iparraldeko eskualdeetako mila bat abeltegietakoak.
Nafarroako Gobernuaren arabera, gaitza kutsatzeko arriskua murriztu egin da azken egunetan, Ipar Euskal Herrian, Okzitanian eta Frantzian egiten ari diren txertaketa bizkorrari esker.
Euskal Herrian oraindik ez da antzeman dermatosi nodular kutsakorrik, baina agerraldiak izan dira Okzitanian, eta han, ehun abelburutik goiti hil dituzte, eta horrek haserrea piztu du laborarien artean, bai Frantzian, bai Ipar Euskal Herrian.