Euskal Jai Berri Erremonte Fundazioak eta E•Remonte Iruña enpresak antolatutako eguberrietako buruz buruko erremonte txapelketa-Martiko Sari Nagusiko lehen finalista Otano da. Joan den ortziralean Agoitzen jokatutako finalerdian menpean hartu zuen Ion. Bigarren finalista doneztebarra izanen da eta Donezteben erabakiko da abenduaren 13an, larunbatean 18:00etan Ezkurra pilotalekuan hasiko den jaialdian. Azken hiru urteetako txapelduna, Xanti Uterga, aritzekoa zen, baina min hartuta segitzen du eta, bere ordez, David Mitxeo ariko da Eloy Otxandorenaren kontra. Irabazleak Otanoren kontra jokatuko du finala abenduaren 21ean Agoitzen.
18:00etan hasiko den jaialdiko bigarren partidako irabazleak Otanoren kontra jokatuko du finala abenduaren 21ean
Jaialdiko lehen partidan, Jon Sagaseta iruritarra eta Baztan, Koteto Ezkurra III.a doneztebarraren eta Agirrezabalaren kontra ariko dira.
Jaialdian biltzen den dirua EN Nafarroako Esklerosi Anizkoitzaren Elkartera bideratuko da. 22 urtez goitikoek hamar euro ordaindu beharko dute, 16 eta 22 urte artekoek bortz euro eta 16 urtetik beheitikoak doan sartuko dira.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.