Sei bertsolari aritu ziren kantuan Aiherrako oholtzan. Josu Txoperena lesakarra, Karlos Aizpurua saratarra, Maddalen Arzallus, Patxi Hiriart, Pettan Prebende eta Maddi Ane Txoperena. Gaiak ematen, berriz, Aritz Bidegain aritu zen.
Lan puntuagarriak osatuta, lehen postua Maddi Ane Txoperenarentzat izan zen. Puntu bakarra atera zion bigarren lekuan sailkatu zen Maddalen Arzallusi. Horrela gelditu zen sailkapena:
- Maddi Ane Txoperena Iribarren: 415
- Maddalen Arzallus Antia: 414
- Patxi Iriart Hiribarren: 408,5
- Karlos Aizprua Etxarte: 385,5
- Josu Txoperena Iribarren: 353,5
- Pettan Prebende Thikoipe: 297,5
Saioa irabazita, final aitzinekoetarako txartela lortua du Txoperenak. Gainerakoek bigarren faseko gainontzeko saioak jokatu arte itxaron beharko dute.
Txapelketa hurrengo saioa larunbat honetan, abenduaren 13an, eginen dute Muskildiko Posonpesenea gelan 17:00etan. Bertan Bittor Txikoipe, Elixabet Etxandi, Haira Aizpurua, Miren Artetxe, Mizel Mateo eta Oier Urreizti ariko dira.
Sarrerak bertsosarrerak.eus atarian erosi daitezke.