Urteko azken Ekomerkatua eginen dute abenduaren 6an Iruñean

Ttipi-Ttapa 2025eko abenduaren 4a

Iruñeko geltoki zaharrean eginen dute urteko azken Ekomerkatua larunbat honetan.

Urteko azken Ekomerkatuak CPAEN/NNPEKeko hainbat ekoizle bilduko ditu abenduaren 6an, larunbatean 10:00etatik 14:00etara Iruñeko autobos geltoki zaharrean, eta beren produktuak salgai jarriko dituzte, Nafarroako produktu ekologiko ugari etxera eramateko aukera eskainiz: Erratzuko Pittika gazta, Lizarraldeko olioa eta lekaleak, Arbeizako eztia, Imotz Haraneko arrautzak, Munarrizko patatak eta lekaleak eta Iturgoieneko gaztak edo Caparrosoko sasoiko barazkiak, bertzeak bertze. Gainera, hilabete honetan Irunberriko Azpea Upaitegiaren ardoa eta Valentziatik Horta de Ximoren laranjak, mandarinak, limoiak eta kaki ekologikoak izango ditugu postu gonbidatuak bezala.

2026ko egutegia

CPAEN/NNPEKeko egutegia doan eskuratzeko modua ere izanen da, Ekomerkatuan edozein elikagai ekologiko erosiz. Egutegia EKOmiradas argazki lehiaketaren 12 argazki irabazleekin argitaratu da. Kontsumitzaileei zuzenduta, hilero argazkien deskribapen bat jasotzen du bertako fruta eta barazkien kontsumoari buruzko informazioarekin batera, produktu ekologikoen, bertakoen eta sasoikoen kontsumoa sustatzeko helburuarekin. CPAEN/NNPEKek antolatzen dituen azoka eta ekitaldi finko nagusien egutegia ere ageri da, hala nola EKOtopaketa eta EKOmerkatua.

Abenduaren 6an Ekomerkatuan parte hartuko duten postuak

Elkea/Hazialdeko . Lekale eta Olioa. Bakedano eta Artajona
El puente viejo. Barazkiak. Caparroso
Axuribeltz. Gazta. Iturgoien
Lakabe. Ogia eta pastak
Pittika. Gazta. Erratzu
Ekollaondo.Gazta eta arrautzak. Goldaratz
Ecológicos Aranda. Olioa. Faltzes
Javier Anocibar.Patatak eta lekaleak. Munarriz
Erlan. Eztia. Izurzu
Ekosagar. Sagar zukua. Oscoz
Erlandere. Eztia. Arbeiza
Larrezabal. Gazta. Altsasu
Gonbidatua: Bodegas Azpea. Ardoa. Irunberri
Gonbidatua: Horta de Ximo. Fruta. Valentzia

Ekonomia Baztan Bertizarana Bortziriak Leitzaldea Malerreka Xareta Almandoz Amaiur Aniz Arizkun Arraioz Azpilkueta Berroeta Elbete Elizondo Erratzu Gartzain Irurita Lekaroz Oronoz-Mugairi Ziga Legasa Narbarte Oieregi Arantza Bera Etxalar Igantzi Lesaka Arano Areso Goizueta Leitza Beintza-Labaien Donamaria Doneztebe Elgorriaga Eratsun Ezkurra Ituren Oiz Saldias Sunbilla Urroz Zubieta Urdazubi Zugarramurdi

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.

Egin TTIPI-TTAPAren lagun