Laxoa Elkarteak antolatutako Nafarroako XXVI. Paxaka Txapelketako finala jokatu dute igande arratsaldean Iruritako Aranabia pilotalekuan. Iaz bezala, Erratzuk (Manu Irigoien, Gorka Urtasun eta Kaiet Itoiz) 9-5 irabazi dio Oizi (Ioritz Zelaieta, Iker Bereau eta Jon Oiarzabal). Aitzinetik, hirugarren postua lortzeko lehian Iruritak (Mikel Sagaseta, Mikel Mindegia eta min hartutako Xabier Barberenaren ordez aritu zen Oscar Urrutia) 9-4 irabazi zion Donezteberi (Jon Apeztegia, Ugutz Zelaieta eta Mikel Telletxea).
Azaroaren 30ean Iruritako Aranabian jokatutako finalean, iaz bezala, 9-5 irabazi dio Oizi
Finaleko emaitzak erakusten duena baino berdinduagoa izan zen Erratzuren eta Oizen arteko lehia eta Malerrekakoak 4-5 aitzinetik ere izan ziren.
Oiz 4-5 irabazten izan zen, baina azkenean Erratzu 9-5 nagusitu zen, iaz bezala.
Sari banaketan izan ziren Begoña Goienetxe Iruritako alkatea, Mikel Sagaseta kargoduna, Gorka Urtasun (pilotari eta txapeldun ez ezik, Baztango udaleko kirol zinegotzia) eta Laxoa Elkarteko Josu Prim. Baztango Zaporeak-en produktuen zozketa ere egin zuten ikusleen artean.
Erratzu txapeldun (Gorka Urtasun), Manu Irigoien eta Kaiet Itoiz), Begoña Goienetxe Iruritako alkatearekin, Mikel Sagaseta kargodunarekin eta Laxoa Elkarteko Josu Primekin. Argazkia: Ondikol
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.
