Julen Iriartek eta David Albiasuk finalerdiak irabazi eta elkarrekin lehiatuko dira abenduaren 13an Doneztebeko Ezkurra pilotalekuan
Lehen finalerdian, Julen Iriartek 60-43 irabazi zion Milafrangako Lionel Leparouxi. Bortz modalitatetatik hirutan nagusitu zen narbartearra (eskularruarekin 15-7, paletaz 15-3 eta eskuz 15-3) eta bertze bietan lapurtarra (13-15 xaren eta 2-15 joko garbin).
Bigarren finalerdia ere bide beretsutik joan zen eta David Albiasu 65-43 nagusitu zitzaion Azkaingo Xan Karrikabururi. Hemen ere hiru modalitatean garaile suertatu zen Narbarteko pilotaria (eskularruarekin 15-3, paletaz 15-3 eta eskuz 15-7) eta bertze bietan Azkaingoa (xaren 13-15 eta joko garbin 7-15).
Beraz, abenduaren 13an, 12:30ean Doneztebeko Ezkurra pilotalekuan jokatuko den finalean Julen Iriarte eta David Albiasu izanen dira aurrez aurre.