Emakumeen kontrako «indarkeria mota oro onartezina» dela oroitarazi, eta «irmoki gaitzetsi» dute. Egoerak emakumeari sortu dion «beldurra, ezinegona eta babes faltaren sentipenak» entenditzen dituztela ere erran nahi izan dute, baita «bere ondoan» daudela berretsi ere.
Horrekin batera, «emakumeen segurtasuna eta duintasuna erdigunean jartzea betebehar publikoa» dela nabarmendu dute, eta «erakundeok horretan» segituko dutela gaineratu dute, «neurriak eta baliabideak aktibatuz».
Gisa berean, gizarteari «indarkeria matxistaren kontra isilik ez gelditzeko eta emakumeen kontrako erasoen kontra erantzun bateratua emateko» deia egin diote. Argi utzi dute haien konpromisoa: «Emakumeek beldurrik gabe eta askatasunez bizitzeko eskubidea dute, eta komunitate osoaren ardura da horretarako baldintzak bermatzea. Eremu publiko eta pribatuetan errespetua, berdintasuna eta bizitza libre baita seguruak ere defendatzen segituko dugu».