Iruritakoak min hartutako Matxin III.a ordezkatuko du Agoitzen larunbatean 18:00etan hasiko den lehen partidan eta bigarrenean, Mitxeo eta Otano ariko dira finalerdietarako txartelaren bila
Jaialdian biltzen den dirua EN Nafarroako Esklerosi Anizkoitzaren Elkartera bideratuko da. 22 urtez goitikoek hamar euro ordaindu beharko dute, 16 eta 22 urte artekoek bortz euro eta 16 urtetik beheitikoak doan sartuko dira.
Final laurdenetako irabazleen esperoan daude, zuzenean finalerdietarako sailkatuak, Xanti Uterga doneztebarra eta Ion, joan den urteko finalistak. Abenduaren 5ean jokatuko dute lehen finalerdia Ionek eta Mitxeoren eta Otanoren arteko partidako irabazleak. Abenduaren 13an Donezteben jokatuko dute bigarren finalerdia Utergak eta Otxandorenaren eta Sagasetaren arteko partidako irabazleak. Finala abenduaren 21ean jokatuko dute Agoitzeko pilotalekuan.