Larunbatean Lesakan jokatu ziren gizonezkoen eta emakumezkoen bigarren jardunaldia eta finalak eta tiraldi guziak irabazi zituzten lesakarrek
Emakumezkoetan, Beti Gazteren ondotik, bigarren izan zen Txantrea, hirugarren Berriozar, laugarren Araxes, bosgarren Amaiur eta seigarren Antsoain.
Beti Gazteko seikotean Amaia Leiza, Onintza Zapirain, Ane Gurrutxaga, Ainhoa Etxegarai, Naiara Otxoteko eta Maria Iantzi aritu ziren tiran, Karmele Pikabea entrenatzaile zutela. Antsoaingo saioan Elena Zabala doneztebarra ere aritu zen.
Gizonezkoetan, Beti Gazte izan zen lehena, Berriozar bigarren eta Txantrea hirugarren.
Beti Gazteko zortzikoan, Ander Mitxelena, Xuban Arozena, Beñat Ordoki, Unai Leiza, Iker Pikabea, Beñardo Iantzi, Unai Gurrutxaga eta Ruben Pedrosa aritu ziren tiran, Oskar Telletxea entrenatzaile zutela.