Lau talde bertzerik ez ditu Laxoa Elkarteak antolatutako Nafarroako XVI. Paxaka Txapelketak eta, hortaz, formatu azkarrean jokatzen hasi dira Iruritako Aranabia pilotalekuan. Erratzu (Manu Irigoien, Gorka Urtasun eta Kaiet Itoiz), Irurita (Xabier Barberena, Mikel Sagaseta eta Mikel Mindegia), Oiz (Ioritz Zelaieta, Iker Bereau eta Jon Oiarzabal) eta Doneztebe (Jon Apeztegia, Ugutz Zelaieta eta Mikel Telletxea) ari dira. Talde guztiek talde guztien kontra jokatu zuten ligaxka azaroaren 16an. Oizek eta Erratzuk bina partida irabazi eta bana galdu zuten; Iruritak eta Doneztebek, berriz, bana irabazi eta bina galdu.
Igandeko ligaxkan lehena izan zen Oiz laugarren izan zen Donezteberen kontra ariko da eta bigarrena (Erratzu) hirugarrenaren (Irurita) kontra
Honela, azaroaren 23an, igandean jokatuko dituzte finalerdiak, ligaxkako lehenak (Oiz) laugarrenaren (Doneztebe) kontra eta bigarrenak (Erratzu) hirugarrenaren (Irurita) kontra.
Finalerdietako irabazleek azaroaren 30ean, igande honetan jokatuko dute finala eta, finalerdietako gurutzaketak ikusita, Malerrekako eta Baztango bikote bana izanen da partida nagusian.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.
