Emakumezkoetan, aipatu bezala, Maddalen Jimenez Andres beratarra izan zen 20 kilometroko lasterketa osatzen eskualdeko bizkorrena. 1.24.01eko denbora eginda helmugaratu zen. Bigarren denborarik hoberena Amaia Etxarte Juanenea doneztebarrarena izan zen (1.37.24) eta hirugarrena Amaia Inda Jorajuria donamariarrena (1.37.33).
Gizonezkoetan, berriz, Eneko Aizagirre Lasarte leitzarrarentzat izan zen eskualdeko lasterkarien podiumeko goiko koska. 1.08.53ko denbora egin zuen eta sailkapen orokorrean 60. gelditu zen. Segundo bateko aldea baino ez zion atera bere ondotik helmugaratu zen Gwendal Larque Sanjurjo beratarrari (1.08.54). Aitor Aizkorbe Jimenez goizuetarrak osatu zuen eskualdekoen podiuma (1.11.42).
Eneko Aizagirre leitzarra atzo Behobia-Donostian lasterka.
Oharra: Sakelakoan, beheitiko taula osorik ikusteko, paratu horizontalean. Bilaketa herriaren, denboraren, lasterkariaren izen-abizenen, kategoriaren, sexuaren... arabera egiten ahal da, beltzez ageri diren hitzetan klikatuta.