Izena emandako ikastetxe guziekin, joan den urriaren 20an egin zuten zozketa, eta eskualdeko hamahiru ikastetxetako 257 ikaslek izanen dute Iraupen Eskiko Eskola kanpainan parte hartzeko aukera. Eurekin batera 24 irakasle joanen dira. Zehazki, ikastetxe hauetakoei tokatu zaie joatea: Doneztebeko San Miguel, Aresoko Nazabal, Goizuetako Andres Narbarte Xalto, Leitzako Erleta, Iturengo Pulunpa, Legasa, Narbarteko Arotzenea, Saldias, Sunbilla, Elizondo, Leitzako Amazabal institutua, Berako Labiaga ikastola eta Lesakako Tantirumairu ikastola.
Batzuk kanpoan
Eskainitako 3.960 plaza baino izen emate gehiago izan direnez, batzuk kanpoan gelditu dira. Eskualdeko hamahiru ikastetxetako ikasleak, adibidez, kanpoan gelditu dira eta hala, itxaron zerrendara pasatu dira: Almandoz, Amaiur, Arizkun, Azpilkueta, Gartzain, Doneztebeko Mendaur, Arantza, Berako Ricardo Baroja, Etxalarko Landagain, Igantzi, Lesakako Irain, Baztan Ikastola eta Berako Toki Ona institutukoak, hain zuzen. Kanpaina kudeatzen dutenek adierazi dutenez, aurten kanpoan gelditu direnek ondoko urteetan «lehentasuna» izanen dute.
Bertzetik, joan den urteko datuekin konparatuz, eskualdeko lau ikasle gehiagok parte hartuko dute 2026ko eski kanpainan. Eta horrekin batera, bi ikastetxek egonaldia errepikatuko dute: Elizondoko eta Goizuetako eskolek.
Egonaldiei dagokienez, bai Izaban, bai Otsagabian, urtarrilaren 12tik martxoaren 27ra arte hamaikana txanda izanen dira.
Izabara joanen diren eskualdeko ikastetxeetako ikasleak
5. txanda, otsailaren 9tik 13ra
| IKASTETXEA | MAILA | IKASLE KOPURUA | IRAKASLE KOPURUA |
|---|---|---|---|
| Doneztebeko San Miguel eskola | LH 6 | 44 | 4 |
7. txanda, otsailaren 23tik 27ra
| IKASTETXEA | MAILA | IKASLE KOPURUA | IRAKASLE KOPURUA |
|---|---|---|---|
| Aresoko Nazabal eskola | LH 6 | 3 | 1 |
| Goizuetako Andres Narbarte Xalto eskola | LH 5-6 | 11 | 2 |
| Leitzako Erleta eskola | LH 6 | 41 | 3 |
9. txanda, martxoaren 9tik 13ra
| IKASTETXEA | MAILA | IKASLE KOPURUA | IRAKASLE KOPURUA |
|---|---|---|---|
| Iturengo Pulunpa eskola | LH 4-5-6 | 12 | 1 |
| Legasako eskola | LH 4-5-6 | 14 | 1 |
| Narbarteko Arotzenea eskola | LH 4-5-6 | 12 | 1 |
| Saldiasko eskola | LH 4-5-6 | 4 | 0 |
| Sunbillako eskola | LH 4-5-6 | 13 | 1 |
11. txanda, martxoaren 23tik 27ra
| IKASTETXEA | MAILA | IKASLE KOPURUA | IRAKASLE KOPURUA |
|---|---|---|---|
| Elizondoko eskola | LH 6 | 20 | 2 |
| Leitzako Amazabal institutua | DBH 1 | 41 | 3 |
Otsagabira joanen diren eskualdeko ikastetxeetako ikasleak
2. txanda, urtarrilaren 19tik 23ra
| IKASTETXEA | MAILA | IKASLE KOPURUA | IRAKASLE KOPURUA |
|---|---|---|---|
| Berako Labiaga ikastola | LH 5-6 | 24 | 3 |
8. txanda, martxoaren 2tik 6ra
| IKASTETXEA | MAILA | IKASLE KOPURUA | IRAKASLE KOPURUA |
|---|---|---|---|
| Lesakako Tantirumairu eskola | LH 5-6 | 18 | 2 |