Errekako Gaxuxa Zelaieta Eulate judoka legasarrak Iparraldeko senior sektoreko txapelketa jokatu zuen azaroaren 1ean Urnietako kiroldegian, Nafarroako, Euskadiko, Errioxako eta Aragoiko kirolariekin batera. 57 kiloz beheitiko senior kategorian aritu zen Zelaieta eta hirugarren izan zen. Podiumera igo eta brontzezko domina irabazi baldin bazuen ere, ez zuen Espainiako txapelketarako txartela lortzerik izan, hori txapeldunak eta txapeldunordeak bakarrik eskuratzen baitzuten.
Legasako kirolaria hirugarren izan zen larunbatean Urnietan, baina ez du Espainiako txapelketarako txartelik eskuratu
Halere, lan eta ikasketa bikaina izan da Legasako judokarentzat, kontuan hartuz senior mailan lehiatu arren, oraindik ere juniorra dela. Aurten, Gaxuxa Zelaieta Iruñeko Larrabide Goi mailako zentroan entrenatzen ari da egunero. Errekan entrenatzaile izan duen Noelia Ariztiak dioenez, «oraindik ere, podium aunitzetan ikusiko dugu denboraldi honetan».
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.