Gartzarongo pilota txapelketatik txapel uzta polita ekarri dute eskualdeko pilotariek

Ttipi-Ttapa 2025eko azaroaren 4a

Gartzarongo pilota txapelketako finalen ondotik txapeldunek eta txapeldunordeek ateratako argazkia.

Gartzarongo pilota txapelketa entzutetsuko finalak azaroaren 1ean jokatu zituzten. Sei final izanen dira eta horietatik hirutan izan ziren eskualdeko pilotariak. Kadete mailan, Errekako Iker Anzizar doneztebarra eta umeen kategorian, Goñi eta Zubieta beratarrak txapeldun suertatu ziren. Hauek Elizegi goizuetarrari eta Zabaleta leitzarrari irabazi zioten finalean. Dunixe Alberro iturendarra ere txapeldunorde izan zen.

Anzizar doneztebarra eta Goñi eta Zubieta beratarrak txapeldun suertatu dira; Elizegi goizuetarra, Zabaleta leitzarra eta Alberro iturendarra txapeldunorde

Umeen finalean, Bortzirietako Goñi eta Zubieta beratarrek 18-17 irabazi zieten Goizuetako Umore Onako Elizegiri eta Leitzako Aurrerako Zabaletari.

Gartzarongo pilota txapelketako umeen mailan Goñi eta Zubieta beratarrak txapeldun eta Elizegi goizuetarra eta Zabaleta leitzarra txapeldunorde.

Nesken finalean, Zaramagako Lopez de Okariz eta Ozaetak 18-12 irabazi zieten Ados pilota elkarteko Dunixe Alberro iturendarrari eta Ziotzako Arrutiri.

Gaztetxoen finalean, berriz, Naiarako Paraguayo VII.ak eta Errekako Iker Anzizar doneztebarrak 18-9 irabazi zieten Behar Zanako Zufiriari eta Leitzako Aurrerako Ugartemendiari.

Errekako Iker Anzizar doneztebarra, Paraguayo VII.arekin batera, txapeldun izan zen kadete mailan.

Horietaz gain, eskualdeko pilotaririk gabe, haurren finalean Eizagirrek eta Labakak (Behar Zana-Ataun) 18-7 irabazi zieten Areitiori eta Madariagari (Lagun Onak-Markina); gazteen mailan, Nazabalek eta Artetxek (Larraun-Ilunpe) 22-16 irabazi zieten Muruari eta Ormaetxeari (Intxurre-Lapke), eta helduetan, Matak eta Iruritak (Beti Onak) 22-12 irabazi zieten Barbarejori eta Alduntzini (Beti Onak-Zugarralde).

Kirola Bortziriak Leitzaldea Malerreka Bera Goizueta Leitza Doneztebe Ituren

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.

Egin TTIPI-TTAPAren lagun