Larunbatean jokatutako lehen partidan, Narbarteko David Albiasuk erraz irabazi zion Urruñako Jon Muruagari, 51-18. Bortz modalitatetatik lauretan irabazi zuen Albiasuk: xaren (12-1), eskularruz (12-13), paletaz (12-1) eta eskuz (12-1) eta Muruagak, aldiz, joko garbin irabazi zuen (3-12).
Lehia estuagoa izan zen igandeko lehen partidan. Narbarteko Julen Iriartek 39-35 irabazi zion Azkaingo Xan Karrikabururi. Xaren eta joko garbian Karrikaburu nagusitu zen (1-12 eta 2-12), baina bertze hiru modalitatetan Iriarte izan zen irabazle: eskularruz (12-3), paletaz (12-3) eta eskuz (12-5).
Bigarren partidan, Oiartzungo Andoni Zabalak bortz modalitatetan irabazi zion Azkaingo Txema Gogorzari: xaren (12-1), joko garbin (12-2), eskularruz (12-9), paletaz (12-4) eta eskuz (12-9). Denera, 60-25.