190 entzuleren aitzinean egin zuten larunbatean Agoizko saioa. Sei bertsolari aritu ziren kantuan: Eneko Lazkoz Martinez, Saioa Alkaiza Guallar, Eki Mateorena Zozaia, Ekhiñe Zapiain Arlegi, Endika Legarra Nuin eta Julen Zelaieta Iriarte. Gaiak jartzen Zigor Gartzia Arregi Zian aritu zen.
Sei bertsolariek ale ederrak utzi zituzten, eta azkenerako horrela gelditu zen sailkapena:
- Eneko Lazkoz Martinez (508,5)
- Saioa Alkaiza Guallar (496)
- Ekhiñe Zapiain Arlegi (494)
- Eki Mateorena Zozaia (488,5)
- Julen Zelaieta Iriarte (458,5)
- Endika Legarra Nuin (441)
Saioa irabazita, azaroaren 29an Iruñean jokatuko den finalean izanen da Eneko Lazkoz. Gainerako bertsolariek finalaurrekoan bukatu arte esperatu beharko dute txartela lortuko duten ala ez jakiteko.
Bigarren finalaurrekoa larunbat honetan jokatuko da Leitzako Herri Aretoan eta hirugarrena, eta azkena, azaroaren 16an Tafallan.
Bietarako zein finalerako sarrerak salgai daude www.bertsosarrerak.eus atarian.