Euskal Herriko lehen mailako aizkolarien txapelketaren finala jokatuko da azaroaren 2an, Azkoitiko Gurea pilotalekuan, igandean 12:00etan hasita. Finalean izanen diren sei aizkolariek, Julen Gabirondok, Hodei Ezpeletak, Xabier Zalduak, Iker Vicentek, Julen Alberdi Txikia IV.ak eta Mikel Larrañagak, Euskadiko Herri Kirol Federakundeko presidente Igor Duñabeitiarekin batera, agerraldia egin zuten eta ahalik eta lanik onena egiteko prest agertu ziren.
Sei aizkolari ariko dira lehian, tartean Nafarroako ordezkari bakarra izanen den Iker Vicente gaur egungo txapelduna
Igandeko finalean lau kanaerdiko, lau oinbiko eta 60 ontzako beste lau enbor moztu beharko dituzte aizkolariek. Sarrerak igandean, egunean bertan, leihatilan egonen dira salgai 40 eurotan. Txartel-leihatila final hasi baino bi ordu lehenago zabalduko da, goizeko hamarretan, alegia.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.