Euskal Jai Erremonte Fundazioak eta E•remonte Iruña enpresak antolatutako binakako erremonte profesionaleko txapelketa Reino Gourmet Sari Nagusiko finala azaroaren 1ean jokatuko dute Luzaiden. Final horretarako lehen txartela Eloy Otxandorena doneztebarrak eta Otanok lortu zuten joan den larunbatean Donezteben. Urriaren 25ean, larunbatean 18:00etan Irunberrin hasiko den jaialdian jokatuko dute bigarren finalerdiko itzulerako partida Zeberio II.ak eta David Mitxeo doneztebarrak, Matxin III.aren eta Ionen kontra. Joanekoan, tanto bakarragatik irabazi zuten azken hauek, beraz, finalerdi irekia da.
Zeberio II.a eta David Mitxeo doneztebarra, Matxin III.aren eta Ionen kontra ariko dira, azaroaren 1ean Luzaiden Otxandorenaren eta Otanoren kontra jokatzeko txartelaren bila
Irunberriko jaialdiko lehen partidan, Mikel Mikelarena oiztarra eta Agirrezabala, Xuban Iturregi iruritarraren eta Baztanen kontra ariko da.
Euskal Jai Erremonte Fundazioak Zangoza aldean antolatzen dituen jaialdi guztietan bezala, sarreran biltzen den dirua Zangoza aldeko haur eriak biltzen dituen ANECS elkartera bideratuko dute.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.
