Dermatosi nodular kutsakorra (DNK) behi aziendari eragiten dion gaixotasun birala da, intsektuen bidez transmititzen dena. Sukarra, larruazaleko lesio nodularrak, barne organoetan kalteak, nekea eta, zenbaitetan, heriotza eraginez. Ez da zoonosia, eta haragia eta esnea kontsumitzea ez da arriskutsua pertsonentzat, ez eta kutsatuta egonda ere.
Italian eta Frantzian hainbat kasu izan dira azkeneko hilabeteetan eta duela aste pare bat atzeman zituzten Gironan penintsulako lehenbiziko kasuak. Hori ikusita, prebentzio neurriak hartzea adostu du Nafarroako Gobernuak.